Kurslara giriş, müddət və istifadə şərtləri.
Ödəniş tamamlandıqdan sonra dərhal platformaya girişiniz açılır və kursun bütün dərsləri əlçatan olur. Öz tempinizdə (self-paced) öyrənirsiniz — vaxt limiti yoxdur.
Hər kurs HD video dərslərdən ibarətdir. Kurs videolarına ömürlük girişiniz var — istənilən vaxt, istənilən qədər yenidən izləyə bilərsiniz.
Kursu aldıqdan sonra ömürlük mentor dəstəyi alırsınız — müddət limiti yoxdur. Dərslərlə bağlı suallarınızı istənilən vaxt saytdakı ESHIPX AI mentoruna yaza bilərsiniz — cavabını bilmədiyi suallar mentorlarımıza ötürülür.
Bütün dərsləri tamamladıqdan sonra Eshipx sertifikatı alırsınız. Sertifikatı CV-də və ya LinkedIn profilinizdə göstərə bilərsiniz.
Kursda təqdim olunan video, mətn və materiallar yalnız şəxsi öyrənmə məqsədilə istifadə oluna bilər. Üçüncü şəxslərlə paylaşılması, kommersiya məqsədilə istifadəsi və yenidən satışa çıxarılması qəti qadağandır. Bu qaydanın pozulması hesabın bloklanmasına və hüquqi məsuliyyətə səbəb olur.
Kursun bütün videoları, səsləri, mətnləri, faylları və dizaynı Eshipx-in müəlliflik hüququ ilə qorunan əsərləridir. Kursu almaqla siz yalnız onlara şəxsi baxış hüququ əldə edirsiniz — mülkiyyət və ya yayma hüququ yox.
Aşağıdakılar qəti qadağandır:
Hüquqi əsas. «Müəlliflik hüququ və əlaqəli hüquqlar haqqında» Azərbaycan Respublikasının Qanununa (5 iyun 1996-cı il, № 115-IQ) görə əsərin təkrar istehsalı, yayılması və ictimaiyyətə çatdırılması yalnız hüquq sahibinin icazəsi ilə mümkündür (maddə 15). İcazəsiz hazırlanan və yayılan nüsxələr pirat nüsxə sayılır (maddə 44); hüquq sahibi məhkəmə yolu ilə pozuntunun dayandırılmasını, kompensasiya ödənilməsini və pirat nüsxələrin, onları hazırlamaq üçün istifadə olunan vasitələrin müsadirəsini tələb edə bilər (maddə 45). Müəlliflik hüququnun pozulması mülki, inzibati və cinayət məsuliyyətinə səbəb olur (maddə 47), o cümlədən Azərbaycan Respublikası Cinayət Məcəlləsinin 165-ci maddəsi («Müəlliflik hüququnun və ya əlaqəli hüquqların pozulması») ilə.
Su nişanı və izləmə. Hər videonun üzərində tələbənin adı, e-poçtu və telefon nömrəsi ilə fərdi su nişanı göstərilir. Hər hansı yazı yayılarsa, onun kimin hesabından çıxdığı müəyyən edilir.
Pozuntu olduqda:
Hər hesab yalnız bir nəfər üçündür. Hesabınıza telefon, planşet və ya kompüterdən daxil ola bilərsiniz, lakin videolara eyni anda yalnız bir cihazdan baxmaq olar. Başqa cihazda izləməyə başlayanda əvvəlki cihazda video dayanır. Hesabın paylaşılması aşkar edilərsə, giriş yuxarıdakı qaydaya uyğun olaraq ləğv edilir.
Kurslar mütəmadi olaraq yenilənir (eBay/Amazon siyasətləri, yeni platformalar və strategiyalar əlavə olunduqca). Ömürlük girişiniz olduğu üçün bütün yenilənmələrə pulsuz çıxışınız var.
Dərslər HD (1080p) videolardan ibarətdir. Lazım olanlar: stabil internet bağlantısı və müasir brauzer (Chrome, Safari, Firefox və ya Edge).